სოფელ მანავში ერთმანეთს საპირისპიროდ მოძრავი ორი ავტომანქანა შეეჯახა. ერთ-ერთი ავტომობილის მძღოლი ადგილზე გარდაიცვლა, დაშავებული ხუთი მგზავრი კი სასწრაფო დახმარების ბრიგადამ საგარეჯოს საავადმყოფოში გადაიყვანა.
ადგილზე ექსპერტ-კრიმინალისტები მუშაობენ. შინაგან საქმეთა სამინისტროს ინფორმაციით, მომხდარზე გამოძიება 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ერთი ადამიანის სიცოცხლის მოსპობა გამოიწვია.
კომენტარები