თბილისში, მოსაშვილის ქუჩაზე სროლა ცოტა ხნის წინ იყო. მომხდარის შედეგად არავინ დაშავებულა. ადგილზე სამართალდამცველები მუშაობენ.
თვითმხილველთა ინფორმაციით, ცეცხლი ავტომანქანიდან გახსნეს.
შსს-მ მომხდარზე განცხადება გაავრცელა:
„შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოში შემოვიდა შეტყობინება თბილისში, ი. მოსაშვილის ქუჩაზე მომხდარ სროლის ფაქტთან დაკავშირებით. აღნიშნულ ქუჩაზე ოპერატიულად გამოცხადდნენ პოლიციის თანამშრომლები და ექსპერტ-კრიმინალისტები.
პოლიციამ შემთხვევის ადგილის მიმდებარე პერიმეტრი დაიცვა, ექსპერტ-კრიმინალისტებმა კი ცეცხლსასროლი იარაღიდან გასროლილი ტყვიის ცხრა მასრა ნივთმტკიცებად ამოიღეს, რომლებზეც დანიშნულია შესაბამისი ექსპერტიზა. გასროლის შედეგად არავინ დაშავებულა. გამოძიების ფარგლებში, პოლიციის მიერ მიმდინარეობს ფაქტის თვითმხილველთა გამოკითხვა“ – წერია ძალოვანი უწყების განცხადებაში.