მკვლელობა ქობულეთში – მოკლულია სოფელ მუხაესტატეს პოლიციის უფროსი ბუტა ანთაძე.
ადგილობრივების თქმით, უცნობი მამაკაცი პოლიციის თანამშრომელს ზურგიდან მიეპარა და სასიკვდილო დაზიანება მიაყენა.
მუხაესტატეს პოლიციის უფროსი, ქობულეთის რეფერალურ საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს. სამართალდამცველი გამთენიისას გარდაიცვალა.
ადგილობრივი მცხოვრებელები მკვლელობის შესაძლო მოტივზე ვერ საუბრობენ.
„ახალგაზრდები არიან და შეიძლება ერთმანეთთან რაიმე კონფლიქტი ჰქონდათ. არავითარი ხმაური არ გაგვიგია“-ამბობს მეზობელი.
27 წლის მამაკაცი, რომელმაც ქობულეთში პოლიციის უფროს სასიკვდილო ჭრილობები მიაყენა დაკავებულია. ის წარსულში წვრილმანი ხულიგნობისთვის არის ნასამართლევი.
მომხდართან დაკავშირებით სისხლის სამართლის საქმე 108-ე, განზრახ მკვლელობის მუხლით არის აღძრული.