პრემიერმინისტრობის კანდიდატის, მამუკა ბახტაძის თქმით, მას ერთიანი ნაციონალური მოძრაობისთვის თანხა არასდროს შეუწირავს. ამის შესახებ მან პარლამენტში, ფრაქცია „ნაციონალური მოძრაობის“ სხდომაზე, „ნაციონალური მოძრაობის“ წევრის, რომან გოცირიძის კითხვის საპასუხოდ განაცხადა.
„2012 წლის აგვისტოში ნაციონალური მოძრაობის მხარდასაჭერად 20 ათასი ლარი არ გადამირიცხავს. 2012 წელს, იმისთვის, რომ ქართულ ოცნებას არ ჰქონოდა საშუალება, დაეფინანსებინა პარტია, შეცვალეთ კანონი და იურიდიულ პირებს აუკრძალეთ პარტიების დაფინანსება.ამას მოჰყვა კანონში ცვლილება საბანკო საქმიანობის შესახებ. აქედან გამომდინარე, ჩემი პირადი ფიზიკური ანგარიში იქნა გამოყენებული მხოლოდ ტექნიკურად.
მე 2011 წლიდან ვიყავი და ვარ ქართული ოცნების მხარდამჭერი, 2012 წელს ქართულ ოცნებაში მნიშვნელოვანი საორგანიზაციო საკითხებით ვიყავი დაკავებული და 2012 წლის ოქტომბერში მთელ ქართველ ერთან ერთად ვიზეიმე თქვენი გასტუმრება საქართველოს ხელისუფლებიდან“ – თქვა ბახტაძემ.
ბოლო დროს გავრცელებული ინფორმაციით, ბახტაძემ 2012 წლის არჩევნებამდე „ერთიან ნაციონალურ მოძრაობას“ 20 ლარი შესწირა.