ჩეჩნეთის ხელმძღვანელი, რამზან კადიროვი, ბოლო სამთავრობო სხდომაზე თავს დაესხა იმათ, ვინც, მისი აზრით, ინტერნეტით „ღირსებას ხელყოფს“, და მოითხოვა იმ კომენტატორების დასჯა, რომლებიც „ავრცელებენ ჭორებს“ და „წერენ საზიზღრობებს“.
„დახოცვა იქნება ეს, დაპატიმრება თუ მუქარებით დაშინება, ჩვენ ნემისმიერი საშუალებით უნდა შევაჩეროთ ისინი, ვინც ჭორებს ავრცელებს, თესავს მტრობას და ეწევა პროვოკაციას. წყალს წაუღია ყველაფერი, მაგრამ მსოფლიოში ყველა კანონიც რომ დაირღვეს, განა ჩვენ მოვეშვებით ისეთ ადამიანს, რომელიც ჩვენს ღირსებას ხელყოფს? წმინდა ყურანს ვფიცავ, არ მოვეშვებით! დედამიწაზე არსებულ ყველა სასჯელს ავიღებ საკუთარ თავზე, მაგრამ ამას არავის ვაპატიებთ“, – განაცხადა ჩეჩნეთის ლიდერმა სამთავრობო თათბირზე, რომლის ანგარიშიც რეგიონალურმა ტელეკომპანია „გროზნიმ“ გადასცა.