ყველამ ერთხმად აღიარა, რომ საქართველო მოქმედებს, როგორც მოკავშირე, მხოლოდ პოლიტიკური გადაწყვეტილება დარჩა, – ამის შესახებ საგარეო საქმეთა მინისტრმა დავით ზალკალიანმა ჟურნალისტებს მიუნხენში განუცხადა. მინისტრის თქმით, არანაირი პრეტენზია საქართველოსთან მიმართებაში არ არის.
„საქართველო არის სამაგალითო ასპირანტი ქვეყანა, რომელსაც აქვს ყველა პრაქტიკული ინსტრუმენტი ნატოში მომავალი წევრობისთვის. ყველა თანხმდება, რომ ჯერ რა თქმა უნდა პოლიტიკური გადაწყვეტილება არ არის, საქართველო უკვე მზად არის ნატოში მომავალო წევრობისთვის. ჩვენ უნდა გავაგრძელოთ ის, რასაც აქამდე ვაკეთებდით და მოვემზადოთ შესაბამისი მომენტისთვის“, – განაცხადა დავით ზალკალიანმა.
კომენტარები