საბურთალოს ქუჩასა და ბახტრიონის ქუჩებს შორის, კორტების ტერიტორია ადგილმონაცვლეობის შესახებ მოლაპარაკებების შედეგად ქალაქმა დაიბრუნა და თბილისის მერია მის გაყიდვას აპირებს.
როგორც კახა კალაძემ დღეს დედაქალაქის მთავრობის სხდომაზე განაცხადა, საზოგადოების და თბილისის მთავრობის ძალისხმევით, ამ ტერიტორიაზე კორპუსების მშენებლობა არ განხორციელდა, რაზეც ნებართვა წინა ხელისუფლების დროს იყო გაცემული.
კალაძემ ამ ტერიტორიის შენარჩუნებაში გაწეული ძალისხმევისთვის მადლობა ყოფილ თანაგუნდელებს ლევან გოგიჩაიშვილსა და ვატო შაქარაშვილსაც გადაუხადა.
“გამოცხადებული იქნება ინტერესთა გამოხატვა და მითითებული იქნება, რომ ამ კონკრეტულ ადგილზე უნდა მოეწყოს სპორტული კომპლექსი, ჩოგბურთის 4 კორტი, ერთი ღია ან დახურული საცურაო აუზი და სატრენაჟორო დარბაზი. ეს იქნება ცენტრი, სადაც ქალაქის მასშტაბით ყველა მსურველი ისარგებლებს,”– განაცხადა კახა კალაძემ.