ქუთაისის ინფექციურ საავადმყოფოში, ვირუსის სიმპტომებით შესული პაციენტების ანალიზის პასუხები უარყოფითია.
ექიმ თემურ ნადირაძის თქმით, გუშინ კორონავირუსის სიმპტომით შესული რვა პაციენტიდან შვიდს ვირუსი არ დაუდგინდა, ერთის პასუხს კი დღეს ელოდებიან.
მისი ინფორმაციით, პაციენტების მდგომარეობა დამაკმაყოფილებელია და მკურნალობა უტარდებათ.
რაც შეეხება ინფიცირებულ პაციენტებს, კლინიკაში კორონავირუსის დიაგნოზით ორი პაციენტი მკურნალობს. მათგან, ახალგაზრდა მამაკაცის მდგომარეობა დამაკმაყოფილებელია, ასაკოვანი მამაკაცის მდგომარეობა კი საშუალო სიმძიმისაა, მას ორმხრივი პნევმონია და ტემპერატურა უფიქსირდება.
კომენტარები