ინფექციური საავადმყოფოს დირექტორი თენგიზ ცერცვაძე ვარაუდობს, რომ საქართველოში COVID-19 222-370 ათასმა ადამიანმა უკვე გადაიტანა. როგორც თენგიზ ცერცვაძე განმარტავს, საქართველო სწრაფ ტესტებს არა დაავადებულების, არამედ დაავადება გადატანილების გამოსავლენად იყენებს. ამ პროცესში კი კვლევა ჩაუტარდა 1000 ჯანმრთელ ადამიანს, რომელთაგანაც 6-დან 10 პროცენტამდე პირს დაუდგინდა, რომ ვირუსი გადაიტანა. თენგიზ ცერცვაძის თქმით, ეს მაღალი მაჩვენებელი არ არის.
საქართველოს მოსახლეობის რაოდენობის გათვალისწინებით 6-დან 10 პროცენტამდე რიცხვი 222-370 ათას ადამიანს უდრის, რაც ლაბორატორიულად დადასტურებულ კორონავირუსით ინფიცირებულთა რაოდენობას 500-ჯერ აღემატება.
თენგიზ ცერცვაძის თქმით, კვლევა დამუშავების ეტაპზეა და ზუსტი რიცხვები ჯერ დადგენილი არ არის.
კომენტარები