გურჯაანის მუნიციპალიტეტის სოფელ ჩუმლაყში მომხდარი დაპირისპირების შედეგად გარდაცვლილი ახალგაზრდა, სოფელ ახაშენში მცხოვრები, 30 წლის შოთა მაზმიშვილია, ხოლო დაჭრილი, ჩუმლაყის მკვიდრი, 29 წლის ანზორ მოსესოვი.
ადგილობრივების ინფორმაციით, მომხდარი შემთხვევის მიზეზი, ურთიერთშელაპარაკება, გახდა, რომელიც ფიზიკურ შეხლა-შემოხლასა და ბოლოს, სროლაში გადაიზარდა.
დაჭრილი ახალგაზრდა მამაკაცი, გურჯაანის ჯეოჰოსპიტალის რეანიმაციულ განყოფილებაში იმყოფება.
მას ცეცხლნასროლი ჭრილობა ყელის არეში აქვს მიყენებული. გადაუდებელი ოპერაცია, დაჭრილს, წუხელვე ჩაუტარდა. ექიმების ინფორმაციით, დაჭრილის მდგომარეობა მძიმეა.
შეგახსენებთ, რომ გურჯაანის მუნიციპალიტეტის, სოფელ ჩუმლაყში მკვლელობა მოხდა. გარდაცვლილია 30 წლის მამაკაცი. მას სასიკვდილო ჭრილობა ცეცხლსასროლი იარაღიდან აქვს მიყენებული.
სრული ვერსიის ნახვა primetime.ge