საქართველოს საგარეო საქმეთა სამინისტრო იმ ქვეყნების ჩამონათვალს აქვეყნებს, საიდანაც დაბრუნებულ საქართველოს მოქალაქეებს სავალდებულო, 14-დღიანი კარანტინის გავლა არ მოუწევთ.
საგარეო უწყების ცნობით, ეს ქვეყნებია: საფრანგეთი, გერმანია, ლიეტუვა, ლატვია და ესტონეთი.
„თუ საქართველოს მოქალაქე გახლავთ შემდეგი 5 ქვეყნიდან (საფრანგეთი, გერმანია, ლიეტუვა, ლატვია, ესტონეთი) ერთ-ერთის რეზიდენტი, მაშინ მას სავალდებულო კარანტინი არ ეკუთვნის.
რაც შეეხებათ საქართველოს სხვა მოქალაქეებს, ევროკავშირის ქვეყნებში ნებისმიერი მიზნით ვიზიტის შემდგომ, სამშობლოში უკან დაბრუნებისას გაივლიან სავალდებულო 14 დღიან კარანტინს. მნიშვნელოვანია, ჩვენმა მოქალაქეებმა ასევე გაითვალისწინონ ევროკავშირის წევრი ქვეყნების ჩამოთვლილი მიდგომები საზღვრების გახსნასთან დაკავშირებით“, – აღნიშნულია საგარეო უწყების განცხადებაში.