„რელიგიურ ნიადაგზე, ეთნიკურ ნიადაგზე ჩვენს ქვეყანაში დაპირისპირება არასდროს ყოფილა. ამას გვასწავლის ქართული ეკლესია, მართლმადიდებლობა, ტრადიცია, პატრიარქი და რასაკვირველია, ამ სწავლებას უნდა მივყვეთ“, – ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებს განუცხადა.
„რასაკვირველია, პროვოცორების ნიშნებიც არის, ეს ყველაფერი უსაფრთოხების პრიზმაში უნდა განვიხილოთ. ეს უპირისპირდება იმ შესანიშნავ ტრადიციებს, რომლებიც საუკუნების განმავლობაში მოსდევს საქართველოს.
რელიგიურ ნიადაგზე, ეთნიკურ ნიადაგზე ჩვენს ქვეყანაში დაპირისპირება არასდროს ყოფილა. ამას გვასწავლის ქართული ეკლესია, მართლმადიდებლობა, ტრადიცია, პატრიარქი და რასაკვირველია, ამ სწავლებას უნდა მივყვეთ.
ნებისმიერი, ვინც უპირისპირდება ამ პრინციპებს, რომელი მხრიდანაც არ უნდა იყოს, რასაკვირველია, სცოდავს ქვეყნისა და ტრადიციის წინაშე.
რაც შეეხება კონკრეტული პირების დასახელებას, შეფასებას პოლიტიკოსების მხრიდან, მე ვფიქრობ, დღეს ეს არის ზედმეტი, ვინაიდან მიმდინარეობს საკმაოდ წარმატებული მოლაპარაკებები, ჩართულნი არიან კონფესიის წარმომადგენლები და არავინ უნდა ეცადოს ამ დაძაბულ სიტუაციაში კიდევ ნავთი დაასხას იმ ცეცხლზე, რომელიც მე ვფიქრობ, რომ უნდა ჩაქრეს და აღდგეს ის პროცესი, რასაც ჰქვია ნორმალური ცხოვრების რიტმი“, – განუცხადა გია ვოლსკიმ ჟურნალისტებს.