აშშ-ის მოქმედმა პრეზიდენტმა, დონალდ ტრამპმა, გამოსამშვიდობებელი მიმართვა გამოაქვეყნა. მიმართვას თეთრი სახლი ავრცელებს.
ამის შესახებ Guardian-ი წერს.
„ჩემო ამერიკელებო, 4 წლის წინ ჩვენ დიდი ეროვნული ძალისხმევით დავიწყეთ ქვეყნის აღდგენა, მისი სულის განახლება და მოქალაქეების მიმართ მთავრობის ერთგულების დაბრუნება. მოკლედ, ჩვენ დავიწყეთ მისია, იმისთვის რომ ამერიკა ყველა ამერიკელისთვის კვლავ დიდებული გამხდარიყო.
ახლა, როდესაც ხელისუფლების ახალი ადმინისტრაციისთვის გადაცემისთვის ვემზადები, მინდა იცოდეთ, რომ ჩვენს მიერ დაწყებული მოძრაობა მხოლოდ დასაწყისია.
ამ დიდებულ ადგილს ვტოვებ ერთგული და მხიარული გულით, ოპტიმისტური სულისკვეთებითა და უმაღლესი ნდობით. იმის იმედით, რომ ჩვენი ქვეყნისა და ბავშვებისთვის ყველაფერი საუკეთესო ჯერ კიდევ წინ არის. მადლობა და ნახვამდის. ღმერთმა დაგლოცოთ, ღმერთმა დალოცოს ამერიკის შეერთებული შტატები“,- აცხადებს დონალდ ტრამპი.
დონალდ ტრამპმა მომავალ ადმინისტრაციას წარმატება უსურვა, თუმცა ჯო ბაიდენის სახელი არ უხსენებია.
„ჩვენ ვლოცულობთ მათი წარმატებისთვის ამერიკის კეთილდღეობისა და უსაფრთხოების შენარჩუნებაში“,- განაცხადა ტრამპმა.
დონალდ ტრამპმა მადლობა გადაუხადა ამერიკელ ხალხს.
„ყველაზე მეტად მსურს, მადლობა გადავუხადო ამერიკელ ხალხს. მემსახურა როგორც თქვენი პრეზიდენტი, იყო ჩემთვის წარმოუდგენელი პატივი. მადლობა ამ განსაკუთრებული პრივილეგიისთვის“, – აღნიშნა ტრამპმა.