კორონავირუსის პანდემიის შედეგად გამოწვეული სირთულეების მიუხედავად, საქართველოს კულტურული მემკვიდრეობის დაცვის ეროვნულმა სააგენტომ, ფონდ „ქართუს“-თან თანამშრომლობის პორობებში, 2020 წელს შეუფერხებლად წარმართა არქიტექტურული ძეგლების საპროექტო დოკუმენტაციების მომზადების, სარესტავრაციო-საკონსერვაციო სამუშაოების, ინფრასტრუქტურული მოწყობის, სამეცნიერო კვლევისა და ინვენტარიზაციის პროცესები, – აღნიშნულია კულტურული მემკვიდრეობის სააგენტოს მიერ გავრცელებულ განცხადებაში.
🔹2020 წელს კულტურული მემკვიდრეობის დაცვის ეროვნული სააგენტოს დაფინანსებით, განხორციელდა 32 მიმდინარე და ახალი პროექტი;
🔹ფონდი „ქართუს“ დაფინანსებით განხორციელდა 93 მიმდინარე და ახალი პროექტი;
🔹ძეგლთა რეაბილიტაციის სამსახურის მიერ მომზადდა 10 საპროექტო დოკუმენტაცია და შესყიდულია 24;
🔹გამოწერილია ძეგლზე სამუშაოების 288 სანებართვო მოწმობა;
🔹95 ობიექტს მიენიჭა კულტურული მემკვიდრეობის უძრავი ძეგლის სტატუსი, ხოლო ეროვნული მნიშვნელობის კატეგორიის განსაზღვრისათვის რეკომენდაცია გაეწია 7 ძეგლს, ობიექტთა ნუსხაში შეტანილ იქნა 163 ნაგებობა.
🔹დაფინანსდა 85 არქეოლოგიური ექსპედიცია.