არასდროს მიკადრებია არც საკუთარი თავისთვის და არც ქვეყნისთვის, რომ დასავლელ პარტნიორებთან მთავარი საკომუნიკაციო თემა ყოფილიყო ხელისუფლებისთვის სანქციებისა და შეზრუდვების დაწესება, – ამის შესახებ ვიცე-პრემიერმა, საქართველოს საგარეო საქმეთა მინისტრმა, დავით ზალკალიანმა განაცხადა.
მისი თქით, 2012 წლამდე საკმაოდ ბევრი საფუძველი არსებობდა სანქციების დაწესების.
„არასდროს მიკადრებია არც საკუთარი თავისთვის და არც ქვეყნისთვის, რომ დასავლელ პარტნიორებთან მთავარი საკომუნიკაციო თემა ყოფილიყო ხელისუფლებისთვის სანქციებისა და შეზრუდვების დაწესება, თუმცა მაშინდელი პერიოდი რომ შედაროთ 2012 წლამდე პერიოდს, საკმაოდ ბევრი საფუძველი არსებობდა ამის. კარგად გახსოვთ მაშინდელი ხელისუფლება, რომელიც რაოდენ ირონიულიც უნდა იყოს, დღეს როდესაც ოპონენტების პოზიციაში გვევლინებიან, მაშინ იყვნენ სწორედ მთავარი აქტორები, რომლებიც დეკლარაციულად ერთს ამბობდნენ და რეალურად აბსოლუტურად სხვას აკეთებდნენ“, – განაცხადა დავით ზალკალიანი.