მე არ მითქვამს, რომ ოპოზიცია იწერს და ავრცელებს. ოპოზიცია რომ დგას ამ ფაბრიკაციისა და ფალსიფიკაციის უკან, რად უნდა საუბარი. სააკაშვილი აგვისტოში გამოვიდა და ძალიან მძიმე პროვოკაციები დააანონსა. ალბათ ნარკოტიკული ზემოქმედების ქვეშ იყო და წინასწარ დააანონსა, – ამის შესახებ პრემიერ-მინიტრმა, ირაკლი ღარიბაშვილმა ჟურნალისტებთან საუბრისას განაცხადა.
„აგვისტოში სააკაშვილი გამოვიდა და თქვა, რომ ეკლესიის წინააღმდეგ აქვს სერიოზული მტკიცებულებები. ეს პროვოკაცია პირადად მან დააანონსა. ეს მთელი ტყუილ-მართალი ისე არის აღრეული, რომ ძნელი იყოს მართალი დასკვნის გამოტანა. არჩევნებამდე ამდენი ათასი ფაილის ავთენტურობის შესწავლას სჭირდება დრო, ელემენტარულად. ეს პრიმიტიული გათვლა ჰქონდა უბადრუკ ოპოზიციას, იციან რომ მარცხდებიან ყველგან და ეს პრიმიტიული პროვოკაცია მოიგონეს“, – განაცხადა ღარიბაშვილმა.