გორის ბაზრის სახელმწიფოსთვის ჩუქებაზე უარი განვაცხადე რის შემდეგაც დაიწყო შემოსვლები, პროვოკაციები და კოშმარული ზეწოლა,- ამის შესახებ, გორის ბაზრის ყოფილმა მფლობელმა და ნაციონალური მოძრაობის დროს დაზარალებულმა ჯემალ წიკლაურმა “იმედი ლაივის“ ეთერში ისაუბრა.
„როცა მოვიდნენ „ნაცები, იმ დროინდელმა ადგილობრივმა გუბერნატორმა მიხეილ ქარელმა მითხრა, რომ გორის ბაზარი უნდა სახელმწიფოსთვის უნდა მეჩუქებინა რაზეც, მე რა თქმა უნდა უარი განვუცხადე. ამის მერე დაიწყო კოშმარული ზეწოლა ჩემზე და ჩემს ობიექტზე, შემოსვლები, პროვოკაციები ბოლოს კი ვიღაც შემოგზავნილმა პიროვნებამ რომელმაც 10 კილო ხორცი იყიდა ააწონინა და 220 გრამი დააკლდა , ეს გახდა ფინანსური შემოწმების მიზეზი. შემოვიდა ფინანსური პოლიცია და დაწერა, აბსურდული აქტი, რომ 4 წლის განმავლობაში, სახელმწიფოს დავუმალე 278 000 ლარი. სანამ ეს აქტი ძალაში შევიდოდა მე შევხვდი საგადასახადოს წარმომადგენელს და ვკითხე, თუ რატომ აკეთებდა ამას , რადგან ყოველ წელიწადს გვამოწმებდა და ხედავდა, რომ ყველაფერი სწორედ მქონდა. ვუთხარი რომ თვითონაც დაიჭერდნენ და მართლაც ჩემი დაჭერიდან 1 თვის დაჭერის მერე ისიც დააკავეს. ამით იმის თქმა მინდა, რომ არ არსებობდა ამის რეალური მიზეზი , უბრალოდ ეს იყო საბაბი იმისა რომ როგორმე ჩემი საკუთრება წაერთვათ“,- განაცხადა წიკლაურმა
მან ასევე მისი ოჯახის მიმართა განხორციელებულ ზეწოლაზეც ისაუბრა რის შემდეგაც იძულებული გახდა სახელმწიფოსთვის ბაზრის ჩუქების აქტი გაეფორმებინა.
„ციხეში ყოფნის დროს, გადაწყვეტილი მქონდა, რომ რაც არ უნდა ექნათ ხელი არ მომეწერა ჩუქების აქტისთვის, მაგრამ შემდგომ ჩემს ოჯახის წევრებზე დაიწყო ზეწოლა. ჩემს მეუღლისთვის უნდა ჩაედოთ ნარკოტიკი, ისიც უნდა დაეჭირათ, მოვასწარი და გადავმალე თბილისში. ჩემს შვილებსა და სიძეებზე ხორციელდებოდა დევნა, ვხვდებოდი ამას და ვიფიქრე, რომ პირველ რიგში ოჯახი იყო დასაცავი ვიდრე ჩემი საკუთრება და ამიტომ, გადავწყვიტე ხელი მომერეწა. ციხეში შემოვიდა პროკურორი, შემომიყვანა ნოტარიუსი და მოვაწერე ხელი , რის შემდეგაც ღამის 3 საათზე გამომიშვეს სახლში. ჩემი ციხიდან გამოსვლის შემდეგ გაფორმდა საპროცესო შეთანხმება, დამატებით 2000 ლარი გადამახდევინეს. გამოსვლის შემდეგ , რომ მივხდი, რომ არანაირი პერსპექტივა აღარ მქონდა დარჩენილი, გადავწყვიტე მესარგებლა იმ დროისთვის არსებული კანონით, რომ 1 წლის განმავლობაში გაჩუქებულის უკან მოთხოვნის შემთხვევაში ქონების დაბრუნება შესაძლებელი იყო, არ შემშინებია ვიჩივლე მაგრამ ვერაფერს ვერ მივაღწიე. მომიწია სახლიდან ყველაფრის გაყიდვა, რთული ცხოვრება გამოვიარეთ მაგრამ 2012 წელს როცა ხელისუფლება შეიცვალა იმედი მომეცა, რომ რაღაც მეშველებოდა, ამჟამად მიმდინარეობს გამოძიება“,- განაცხადა ჯემალ წიკლაურმა
წიკლაურმა ასევე უშუალოდ პროცესში მონაწილე პირებიც გაიხსენა.
„ამ პროცესში პირველ რიგში მონაწილეობას იღებდა მიხეილ ქარელი/ ღამის 10 საათზე საკნიდან გადამიყვანეს ირაკლი ოქრუაშვილის პროკურატურაში, ამ დროს მეგონა მეშვიდე იზოლატორში მივყავდი სადაც საშინელებები ხდებოდა, ხალხს აწამებდნენ, ცხვირზე დენს კიდებდნენ ხალხს, თუმცა გადაიფიქრეს რატომღაც და მოსაცდელში 1 საათით ყოფნის მერე გამომიშვეს. პროკურორი ვისაც ხელი მოვუწერე და სწორედ მან გამოძიებასაც მისცა ჩვენება, რომ ირაკლი ოქრუაშვილი ავალებდა ჩემი ცოლის დაჭერას, გარდა ამისა ჩართულები იყვნენ ადგილობრივი გამომძიებლები და სხვები,– განაცხადა ჯემალ წიკლაურმა.