ჩვენ უკვე ვემზადებით აქციისთვის. აჭარიდან ხალხის გარკვეული რაოდენობა უკვე დაიძრა დედაქალაქისკენ და ვიქნებით ათასობით სხვა რეგიონებისა და რა თქმა უნდა, დედაქალაქის მცხოვრებლებთან ერთად, – ამის შესახებ აჭარის ავტონომიური რესპუბლიკის თავმჯდომარემ, თორნიკე რიჟვაძემ „ქრონიკაში“ განაცხადა.
მისი თქმით, ხვალ არის ჩვენი ერთობის დღე, როდესაც ქართველი ხალხი კიდევ ერთხელ დააფიქსირებს ერთი მხრივ ერთობას, ერთიანობას, ღირსებისა და თავისუფლების ფასს.
„რა თქმა უნდა, კიდევ ერთხელ დავადასტურებთ, რომ ჩვენ არც ერთ რევანშისტულ ძალას, ბოროტმოქმედ, სამშობლოსა და გმირების გამყიდველ ძალას არ მივცემთ ხელისუფლებაში დაბრუნების საშუალებას. დარწმუნებული ვარ, ერთ-ერთი გამორჩეული და გამარჯვების დღე იქნება ხვალ დედაქალაქში“, – განაცხადა თორნიკე რიჟვაძემ.
კომენტარები