პოლიტოლოგი ლევან ლორთქიფანიძე გიორგი ჩალაძის განცხადებას სოციალურ ქსელში პასუხობს:
“ექს-პრეზიდენტის დაპატიმრებისთანავე გვითხრეს, რომ სააკაშვილის სასიცოცხლო მაჩვენებლები წუთი წუთზე მიუახლოვდება კრიტიკულ ზღვარს და სახელმწიფოს ყოფილი მეთაური ხელში ჩაგვაკვდებაო. “წუთი წუთზე” გაგრძელდა 50 დღის განმავლობაში და საბედნიეროდ, დამნაშავე ცოცხალია.
გვეუბნებოდნენ კაცს მეხსიერება ღალატობსო, მეორე დღეს გვითხრეს ანტიკური ეპოქის უმნიშვნელოვანესი თარიღები ზეპირად ახსოვსო.
გვეუბნებოდნენ გადაადგილება უჭირსო, მეორე დღეს გვითხრეს მეოთხე სართულზე ავიდა-ჩამოვიდა და პრობლემა არ ჰქონიაო.
ამბავი რომ არ გამოსულიყო, თაფლის მიღებასაც დამალავდნენ, პიურეებისასაც და გვეტყოდნენ, წყალსაც არ სვამს, ადრე საერთოდ წყალზე გავლაც შეეძლოო.
წერილში დაწერა მეთვრამეტე დაწესებულებაში გადაყვანის დროს ნემსის გაკეთება სცადეს ჩემთვის უნებართვოდო, შემდეგ ის შემზარავი კადრებიც ვნახეთ, ოღონდ იქ ნემსის გარდა ყველაფერი იყო.
მოკლედ, ეს მორიგი ამბავი რატომ უნდა დავიჯეროთ? რატომ? თან ცნობას ავრცელებს კაცი, რომელსაც შეუძლია, რომ პირდაპირ ეთერში ოპონენტს ღორი, მამაშა და ათასი საშინელება უწოდოს.
ხვალ კიდევ იმის სასამართლოს ცირკი გველის და ასე დაუსრულებლად“, – წერს ლევან ლორთქიფანიძე.