მათი [„ლელო საქართველოსთვის“] გუშინდელი განცხადება იყო სწორედ იმის საწინააღმდეგო, რასაც ევროკავშირის ლიდერები მოგვიწოდებენ, – ამის შესახებ საპარლამენტო ურმავლესობის წევრმა, გურამ მაჭარაშვილმა განაცხადა.
„პოლიტიკური ორგანიზაცია „ლელო“ ბოლო პერიოდში ვერ ჩამოყალიბდა „ნაცმოძრაობის“, ომის პარტიის ნაწილია, თვითონ დამოუკიდებლად თამაშობს, თუ ვერ თამაშობს და აქედან გამომდინარეობს, სწორედ ასეთი აბსურდული, ანტისახელმწიფოებრივი და ანტიევროპული განცხადება. მათი გუშინდელი განცხადება იყო სწორედ იმის საწინააღმდეგო, რასაც ევროკავშირის ლიდერები მოგვიწოდებენ“, – განაცხადა მაჭარაშვილმა.
ოპოზიცია პარლამენტიდან გასვლით იმუქრება. ამჯერად მუქარის ავტორი „ლელოა“. მიუხედავად იმისა, რომ მმართველ გუნდს რეკომენდაციების შესრულებაზე განაცხადი უკვე გაკეთებული აქვს და კონკრეტულ გეგმაზე მუშაობს, „ლელოში“ ამბობენ, რომ თუ „ქართული ოცნება“ სამ ივლისამდე კონკრეტულ ნაბიჯებს არ გადადგამს, „ლელოს“ საქმიანობა საკანონმდებლო ორგანოსა და საკრებულოებში ჩვეულებრივ რეჟიმში ვერ გაგრძელდება.