დეკანოზმა გიორგი მამალაძემ რამდენიმე სახეობის ექსპერტიზაში მონაწილეობა ჯანმრთელობის მდგომარეობის გამო ვერ შეძლო, – ამის შესახებ ჟურნალისტებს ე.წ. ციანიდის საქმეზე ბრალდებულ დეკანოზ გიორგი მამალაძის ადვოკატმა, გიორგი ფანცულაიამ განუცხადა, თუმცა თუ რა ტიპის ექსპერტიზაში უნდა მიეღო მონაწილეობა დეკანოზს, ადვოკატს არ დაუკონკრეტებია.
”მამა გიორგიმ მონაწილეობა მარტივი მიზეზის გამო ვერ მიიღო. მისი ჯანმრთელობის მდგომარეობა ნამდვილად არ არის სახარბიელო. აქედან გამომდინარე ვერ მიიღო მონაწილეობა, თუმცა, თქვა შენიშვნის სახით, რომ ის არ გაურბის გამოძიებას და ექსპერტიზაში მონაწილეობას მიიღებს. ელემენტარულად ადამიანს 39 აქვს სიცხე და შეიძლება მისი ხმის ტემბრი შემოწმდეს?”, – განაცხადა ადვოკატმა გიორგი ფანცულაიამ.
კომენტარები