საქართველოს რკინიგზის ინფრასტრუქტურის იურიდიული სამსახურის უფროსის ნანა კლარჯეიშვილის განცხადებით, საქართველოს რკინიგზის 13 ათას თანამშრომელში ერთთან უჩა ხვთისიაშვილთან ვერ მოხერხდა შეთანხმება.
როგორც ნანა კლარჯეიშვილმა განაცხადა, უჩა ხვთისიაშვილი ერთადერთია, რომელიც არ თანხმდება რკინიგზის შეთავაზებულ პირობებს.
“საქმე იმაშია, რომ ეს პროცესები როგორც ვეჭვობდით მართულია მავანთა მიერ. სამწუხაროდ იკვეთება ირაკლი პეტრიაშვილის ალბათ, პოლიტიკური მიზნები და ამიტომ ამ აქციაში აქტიურად არიან ჩართულები პროფკავშირების წარმომადგენლები. შეხვედრა მქონდა ხვთისიაშვილთან, ისევე როგორც ყოფილ მეორე მოშიმშილე ვახტანგ ცისკარიშვილთან და არაერთხელ განვუმარტე მათ რომ ყველანაირად უზრუნველვყოფდი მათ შრომისა და დასვენების პირობებს, რომ რკინიგზა მათთან არ წყვეტდა ხელშეკრულებას. ამ პირობას ვახტანგ ცისკარიშვილი დათანხმდა და ხელი მოაწერა ხელშეკრულებას. ხვთისიაშვილი არ გვთანხმდება, მაგრამ კიდევ ერთხელ თანახმა ვართ კვლავ გავესაუბროთ და კიდევ ერთხელ მოვუწოდოთ ხვთისიაშვილს თანამშრომლობისკენ”, – განაცხადა კლარჯეიშვილმა.
მისივე თქმით, აქციის მონაწილეები არიან არა საქართველოს რკინიგზის თანამშრომლები, არამედ ირაკლი პეტრიაშვილის აქტივისტები.