“როგორც ჩანს ირაკლი კობახიძეს ჩავარდნა აქვს და კარგად ვერ ამეცადინა პრეზიდენტი მარგველაშვილი კონსტიტუციაში”

როგორც ჩანს ირაკლი კობახიძეს ჩავარდნა აქვს და კარგად ვერ ამეცადინა პრეზიდენტი მარგველაშვილი კონსტიტუციაში, – ამის შესახებ ფრაქცია „ქართული ოცნების“ თავმჯდომარე მამუკა მდინარაძემ პრეზიდენტის განცხადების საპასუხოდ განაცხადა. როგორც მდინარაძემ ჟურნალისტებთან განაცხადა, პრეზიდენტის ქმედება ვერანაირ კრიზისს ვერ გამოიწვევს.
„ხუთი წლის განმავლობაში, მისი საპრეზიდენტო ვადის განმავლობაში მან ისწავლა, რომ საპარლამენტო არჩევნების შედეგებიდან გამომდინარე უნდა წარმოადგინოს საქართველოს მთავრობა, მაგრამ სამწუხაროდ, ვერ ისწავლა, რომ იგივე უნდა გააკეთოს აჭარასთან მიმართებითაც. აქედან გამომდინარე, ვფიქრობ, რომ ის სიმბოლური ხასიათი მისი უფლებამოსილების, სხვაგვარად აქვს აღქმული. ვთხოვთ და მოვუწოდებთ, როგორც ხდება ცივილიზებულ ქვეყნებში და როგორც ხდება მისი კომპენციიდან გამომდინარე, ისე იმოქმედოს“, – განაცხადა მამუკა მდინარაძემ.
მისივე თქმით, არანაირ კრიზისზე საუბარი არაა და პრეზიდენტს არ შეუძლია კრიზისი გამოიწვიოს.
„ეს სიმბოლური ჩანაწერი მხოლოდ და მხოლოდ იმიტომ არის კონსტიტუციაში, რომ ცენტრალური ხელისუფლების და აჭარის ავტონომიური რესპუბლიკის ბმა იყოს ასახული. სენსიტიური თემაა და არ უნდა იყოს პოლიტიკური სპეკულაციები. კიდევ ერთხელ გავიმეორებ, როგორც ჩანს ვერ წაიკითხა სწორად კონსტიტუციაა, სადაც ეს ჩანაწერი ანალოგიურია“, – განაცხადა მამუკა მდინარაძემ.