საქართველოს პრემიერ-მინისტრი, პრეზიდენტ გიორგი მარგველაშვილის განცხადებას ეხმიანება, რომელშიც ის ამბობს, რომ “ქართული ოცნება” საპრეზიდენტო კანდიდატს ვერ ასახელებს და შექმნილ ვითარებას “პოლიტიკური კურიოზი” უწოდა.
„მე გულწრფელად ვფიქრობ, რომ ეს არ არის სერიოზული შეფასება. ქართული ოცნება არის მმართველი პოლიტიკური ძალა. თქვენ თვითონ შეგიძლიათ, დაასახელოთ რამდენიმე ლიდერი ჩვენი პარტიისგან, რომელიც ძალიან ღირსეულ შედეგს დააფიქსირებს ნებისმიერ არჩევნებში. ჩვენ გვაქვს შიდა კონსულტაციები და როგორც ეს დადგენილია შესაბამისი კანონმდებლობით, ჩვენ აუცილებლად ვიტყვით და დავაფიქსირებთ ჩვენს პოზიციას. ქართულ ოცნებაში არიან ძლიერი პოლიტიკური ლიდერები, რომლებიც ნებისმიერ არჩევნებს მოიგებენ,“ – განაცხადა მამუკა ბახტაძემ.
კომენტარები
