“დავსვამთ ყველა შეკითხვას, რომელიც საზოგადოებაში გაჟღერდა და ინტერესი გამოიწვია”

ჩვენ ვეცდებით მივიღოთ მაქსიმალური ინფორმაცია, თუკი ეს ინფორმაცია წაადგება საგამოძიები კომისიის მუშაობას, – ამის შესახებ საგამოძიებო კომისიის წევრმა ანრი ოხანაშვილმა გლდანის ციხესთან ჟურნალისტებთან საუბრისას განაცხადა.
ხორავას ქუჩაზე მომხდარი მკვლელობის შემსწავლელი საპარლამენტო კომისიის წევრები ბრალდებულების, მირზა სუბელიანისა და თენგიზ კალანდიას გამოსაკითხად სასჯელაღსრულების დაწესებულებაში შევიდნენ.
“ჩვენთვის მთავარია მივიღოთ ის ინფორმაცია, რა ინფორმაციასაც ფლობენ ეს პირები, ხომ არ სურთ საგამოძიებო კომისიას მიაწოდონ რამე ისეთი ინფორმაცია, რაც მათთვის ახლა გახდა ცნობილი და მანამდე არ მიუწოდებიათ რომელიმე ორგანოსთვის. ჩვენ ვეცდებით მივიღოთ მაქსიმალური ინფორმაცია, თუკი ეს ინფორმაცია წაადგება საგამოძიები კომისიის მუშაობას. დავსვამთ ყველა შეკითხვას, რომელიც საზოგადოებაში გაჟღერდა და საზოგადოების ინტერესი გამოიწვია. დაწყებული იქიდან, თუ რა განახორციელა თენგიზ კალანდიამ და ჰქონდა თუ არა მას რამე საუბარი მირზა სუბელიანთან. რაც შეეხება სუბელიანს, ვკითხავთ ხომ არ გამოიყენა სამსახურებრივი მდგომარეობა“, – განაცხადა ანრი ოხანაშვილმა.