საპარლამენტო უმრავლესობის წევრებმა ხორავას ქუჩაზე მკვლელობის საქმის შემსწავლელი საგამოძიებო კომისიის სხდომაზე იუსტიციის მინისტრს, თეა წულუკიანს კითხვები არ დაუსვეს.
როგორც საპარლამენტო უმრავლესობის წევრმა მამუკა მდინარაძემ აღნიშნა, მისთვის გაუგებარია, რატომ გადაწყვიტა კომისიის უმრავლესობამ მინისტრის გამოკითხვა.
„ბატონო სერგი, ქალბატონო თეა, ძალიან მოკლედ გეტყვით, რომ ნამდვილად არ ვიცი რატომ ხართ აქ გამოძახებული, ეს გადაწყვიტა კომისიის უმრავლესობამ და თუ აქ საქმე იმაშია, რომ თქვენს მიერ გაკეთებული პოლიტიკური განცხადებების გამო უნდა გამოიკითხოთ ამ კომისიაზე თქვენ, ამ ლოგიკით შეიძლება გამოიკითხოს ძალიან ბევრი ადამიანი თქვენს გარდა. ამიტომ, მე დიდი სიამოვნებით დაველოდები ჩვენი ოპონენტების კითხვებს და ამის მერე თუ რამე კითხვა მექნება, მერე დავსვამ ნამდვილად. იმიტომ, რომ კიდევ ერთხელ გაუწყებთ, თუ თქვენ ეს არ იცით, რომ ქალბატონი თეა უბრალოდ არ ახორციელებდა პროცესიალურ ხელმძღვანელობას. ეს მის კომპეტენციაში არ შედიოდა“, – განაცხადა მდინარაძემ.