ეს იყო ნამდვილად ერთნახევარი კითხვა და ეს ნიშნავდა „ევროპული საქართველოს“ წარმომადგენლობის ცაიტნოტში ყოფნას, – ამის შესახებ საპარლამენტო უმრავლესობის წევრმა მამუკა მდინარაძემ საპარლამენტო საგამოძიებო კომისიის სხდომის დასრულების შემდეგ განაცხადა.
როგორც მამუკა მდინარაძემ აღნიშნა, „ევროპული საქართველო“ აპირებდა, რომ დაედგათ სპექტაკლი და ამაზე დაესვათ თეა წულუკიანისთვის კითხვები.
“ზუსტადაც, რომ თეა წულუკიანის მიმართ დაისვა ერთნახევარი კითხვა – ეს “ევროპული საქართველოს“ წარმომადგენლების ცაიტნოტში ყოფნას ნიშნავდა. როგორც ჩანს, ისინი დღეს აპირებდნენ დაედგათ რაღაც ახალი პიარ-სპექტაკლი გიორგი გახარიასთან და ირაკლი შოთაძესთან, ამ სპექტაკლის შედეგები შემდეგ თეა წულუკიანისთვის მოეხსენებინათ და ამაზე მოეთხოვათ პასუხი გარკვეული კითხვების ფორმით, რაც არ გამოუვიდათ. ამიტომ აღმოჩნდა, რომ თეა წულუკიანი არაფრისთვის მოიყვანეს“, – განუცხადა ჟურნალისტებს მამუკა მდინარაძემ.