ქართული ოცნების ცენტრალურ ოფისში პოლისაბჭოს სხდომა მიმდინარეობს. შეხვედრაზე, რომელსაც პრემიერმინისტრი მამუკა ბახტაძე და პარტიის თავმჯდომარე ბიძინა ივანიშვილიც ესწრებიან, გუნდი საპრეზიდენტო არჩევნებთან დაკავშირებით ქართული ოცნების სტრატეგიაზე უნდა ჩამოყალიბდეს.
პარტიაში სამ ვერსიაზე მსჯელობენ: საპრეზიდენტო ინსტიტუტის ოპოზიციისთვის დათმობა, დამოუკიდებელი კანდიდატის მხარდაჭერა და პარტიული კანდიდატით არჩევნებში მონაწილეობა.
“საინტერესო იქნება შეხვედრის შემდეგ ინფორმაციის მიღება, არის სხვადასხვა მოსაზრებები ამ საკითხთან დაკავშირებით. გავეცნობით ერთმანეთის პოზიციებს, ვიმსჯელებთ და გადავწყვეტთ“,- განაცხადა გია ვოლსკიმ პასუხად შეკითხვაზე დაუჭერს თუ არა სალომე ზურაბიშვილის კანდიდატურას მხარს.
“დამოკიდებელი კანდიდატის იდეა გარკვეულ ლოგიკურ საფუძვლებს არის დაყრდნობილი, რომ ქართულ ოცნებას საპარლამენტო უმრავლესობა აქვს, ადგილობრივი თვითმართველობა სრულად ქართული ოცნების არი, იქნებ ღირდეს რომ იყოს დამოუკიდებლი კანდიდატი, ისევე როგორც მარგველაშვილზე კეთდებოდა ვთქვათ გადაწყვეტილება მიღებული იყო მარგველაშვილზე მისი დამოკიდებლობის გამო და მისი პოზიციის გამო, რომელიც არ იყო შემგუებელ- შემრიგებლური. მაგრამ მთავარია ადამიანი, რომელიც იქნება შერჩეული უნდა იყოს სერიოზული, ორიენტირებული საქმეზე და არა ხელოვნურ დაპირისპირებაზე “,- განაცხადა გია ვოლსკიმ.