საქართველოს თავდაცვის მინისტრის ლევან იზორიას განცხადებით, „ქართულმა ოცნებამ” საპრეზიდენტო არჩევნებთან დაკავშირებით პოზიცია შესაძლოა მომავალ კვირას დააფიქსიროს.
„თქვენ იცით ჩვენი გუნდის პოზიცია, რომ გუნდს არ ეყოლება საპრეზიდენტო არჩევნებში საკუთარი კანდიდატი. თუ რა პოზიციას დაიჭერს „ქართული ოცნება“ ცალკეულ კანდიდატებთან დაკავშირებით ამაზე გუნდს ექნება თავისი პოზიცია, რომელსაც ახლო მომავალში გააჟღერებს, ეს შესაძლოა მომავალ კვირასაც მოხდეს“, – განაცხადალევან იზორიამ.
რაც შეეხება აგვისტოს ომთან დაკავშირებით სალომე ზურაბიშვილის განცხადებებს, მინისტრის თქმით, არავის უნდა ეპარებოდეს ეჭვი, რომ 2008 წელს იყო კულმინაცია იმ აგრესიული პოლიტიკის, რომელსაც რუსეთის ფედერაცია ჯერ კიდევ 90-იანი წლებიდან ახორციელებს საქართველოში სხვადასხვა ჰიბრიდული მეთოდებით.
„2008 წელს კულმინაციაზე როდესაც ვსაუბრობთ, ამ კულმინაციამ მიიღო რეალური სახე უშუალოდ მონაწილეობით და ჩვენი ტერიტორიების 20%-ის ოკუპაციით. მოვუწოდებთ რუსეთს გაიყვანოს მისი შეიარაღებული ძალები ჩვენი ქვეყნის ტერიტორიიდან”,- განაცხადა ლევან იზორიამ.