საპარლამენტო უმრავლესობის წევრი ზაზა პაპუაშვილი პრეზიდენტობის კანდიდატ სალომე ზურაბიშვილის მიმართ მიზანმიმართულ კამპანიაზე საუბრობს და ამბობს, რომ განსაკუთრებით მედიასაშუალებები უწყობენ ხელს ამ კამპანიას. ამ საკითზე ზაზა პაპუაშვილმა ტვ პირველის გადაცემა “პოლიტმეტრში” ჩართვისას ისაუბრა.
“რაზეა ამბავი ატეხილი, თითქოს საქართველოს სხვა საქმე არ აქვს. ვისმენ წარმოუდგენელ კომენტარებს, ხედავთ როგორი დიდი იარაღია მასმედია, რომ სალომე ზურაბიშვილის დაბომბვა, ზეწოლის და დაუნდობლობის რეჟიმში მიმდინარეობს. როგორც სვავები დაეტაკებიან, ასე კორტნიან ამ ადამიანს, “რუსთავი2”-ზე აღარ არის ლაპარაკი, არც სხვა ტელევიზია არ უდებს წილს.
ქალბატონ სალომეს საუბარში არაფერი განსაკუთრებული არ დამინახავს. ის ნაძირალა სააკაშვილი თავის ხროვასთან ერთად ამით სარგებლობს, რომ არ თქვან საქართველომ ომი დაიწყოო და მისი ჩადენილი დანაშაული სხვას შეახოცოს. სააკაშვილი საქართველო არ არის. ბედის უკუღმართობის გამო ის გახდა პრეზიდენტი, მეორე არჩევნებზე ეს თანამდებობა მიიტაცა, როგორც დამნაშავემ და ამ ადამიანმა ჩაიდინა დანაშაული, ის თანამონაწილეა რუსეთთან ერთად იმ უბედურების, რაც მოხდა ამ ქვეყანაში.
სააკაშვილი არის ჩვეულებრივი მოღალატე, ამ ქვეყნის გამყიდველი და დამაქცევარი. დღეს როდესაც მის პოზიციას ოდნავ მაინც იზიარებ, ან პირწმინდა მოღალატე და ნაძირალა ხარ, ან არც გესმის რა ქვეყანაში ცხოვრობ და არც გესმის თუ რა უბედურება მოიტანა მან. რა რეალობა შექმნა და როგორ დაწია საქართველო უკან, ასე რომ მიხეილ სააკაშვილი საქართველო არ არის.”- განაცხადა ზაზა პაპუაშვილმა.