„ევროპული საქართველო“ უწყებათაშორისი კომისიის მუშაობაში მონაწილეობას აღარ მიიღებს.
„ევროპული საქართველო“ მონაწილეობდა უწყებათაშორისი საარჩევნო კომისიის მუშაობაში. ჩვენ წარვადგენდით ჩვენს პრეტენზიებს, საჩივრებს, ვაფიქსირებდით დარღვევებს, მაგრამ ამ კომისიის მუშაობა, როდესაც თავმჯდომარეობს ქალბატონი წულუკიანიმ არის სრული ფორმალობა, ფარსი, კლოუნადაც კი. სხდომები დახურულია მედიისთვის, რომ საზოგადოებამ არ დაინახოს შიგნით რაც ხდება. არც ერთ დარღვევაზე არ დაფიქსირებულა ადეკვატური რეაგირება. მინისტრი თავს ესხმის არამხოლოდ პოლიტიკურ ოპონენტებს, არამედ არასამთავრობო სექტორსაც და პრაქტიკულად, იქ დარჩენის აზრს ჩვენ ვერ ვხედავთ. სანამ ასეთი ფარსია, ვიდრე ასეთი პოლიტიკური სიძულვილით გაჟღენთილი ქალბატონი ხელმძღვანელობს ამ პროცესს, ჩვენ ვერ ვხედავთ აზრს, რომ გავაგრძელოთ ყოფნა და მუშაობა აღნიშნულ კომისიაში,“ – განაცხადა ოთარ კახიძემ.