მთავრობაში ელიტური კორუფცია არ არსებობს, – ამის შესახებ ვიცე-პრემიერმა, რეგიონული განვითარებისა და ინფრასტრუქტურის მინისტრმა, მაია ცქიტიშვილმა განაცხადა.
ჟურნალისტი დაინტერესდა “ომეგა ჯგუფთან” დაკავშირებით გავრცელებული არაერთი ინფორმაციის შემდეგ აქვს თუ არა მას კითხვები ელიტურ კორუფციასთან დაკავშირებით.
“კითხვები არ მაქვს, რადგან ვიცი, რომ მთავრობაში ელიტური კორუფცია არ არსებობს. ასევე კარგად ვიცი, რომ არანაირი ლიმიტი არ არსებობს მინისტრებისთვის. “ომეგა ჯგუფთან” და გავრცელებულ აუდიო ჩანაწერებთან დაკავშირებით დაწყებულია გამოძიება და ყველა კითხვას გაეცემა პასუხი. პროკურატურამ უნდა დაიბაროს ყველა ის ადამიანი, რომელიც უპასუხებს ყველა კითხვას, რაც გამოძიების პროცესში დაისმება. გამოძიების გადასაწყვეტია ვის დაიბარებს და ვის დაუსვამს კითხვას. ჩვენთან არ არსებობს პირთა წრე, ვისთვისაც შეიძლება კითხვის დასმა და ვისთვის – არა. ასე, რომ ამ მიმართულებით კითხვები არ არსებობს”, – განაცხადა მაია ცქიტიშვილმა.