თბილისის სატრანსპორტო კომპანია ავტობუსის მძღოლებად ქალებისთვის გამოცხადებულ კონკურსს 8 ოქტომბრამდე ახანგრძლივებს. ინფორმაციას თბილისის მერია ავრცელებს.
სამუშაო ვაკანსიაზე საბუთების გაგზავნა 21 სექტემბრამდე იყო შესაძლებელი. თბილისის მერიის ცნობით, პროექტის მიზანია სატრანსპორტო სექტორში თანაბარი შესაძლებლობების შექმნა და გენდერული თანასწორობის უზრუნველყოფა.
ქალი მძღოლები, რომლებსაც 10-წლამდე ასაკის შვილები ეყოლებათ, შეღავათიანი სამუშაო გრაფიკით ისარგებლებენ. ექნებათ გარკვეული დანამატები და ასევე, შვილის შეძენის შემთხვევაშიც მიიღებენ ფულად დახმარებას.
სამუშაო ადგილი 25 ქალისთვისაა. კონკურსში მონაწილე, სულ მცირე, 24 წლის ასაკის უნდა იყოს.
სწავლება „თბილისის ავტობუსების პროექტის“ ფარგლებში, თბილისის სატრანსპორტო კომპანიასა და ევროპის რეკონსტრუქციისა და განვითარების ბანკს (EBRD) შორის დადებული შეთანხმების გათვალისწინებით განხორციელდება.