საქართველოს პრემიერ-მინისტრი მამუკა ბახტაძე ამერიკის შეერთებული შტატების პრეზიდენტის დონალდ ტრამპისა და მისი მეუღლის სახელით ორგანიზებულ ოფიციალურ მიღებას დაესწრო.
პრემიერის პრესსამსახურის ინფორმაციით, მიღება ნიუ იორკში, გაერო-ს გენერალური ასამბლეის 73-ე სესიის მონაწილე ქვეყნების დელეგაციების ხელმძღვანელთა პატივსაცემად გაიმართა.
საქართველოს პრემიერ-მინისტრი მამუკა ბახტაძე ამერიკის შეერთებულ შტატებში სამუშაო ვიზიტით იმყოფება. პრემიერმა შეხვედრები გამართა სხვადასხვა სახელმწიფოსა და მთავრობის მეთაურებთან. ამასთან, საქართველოს პრემიერ-მინისტრი ვაშინგტონში აშშ-ის საგარეო პოლიტიკის ექსპერტებს შეხვდა.
ხვალ, 27 სექტემბერს მამუკა ბახტაძე გაერო-ს გენერალური ასამბლეის 73-ე სესიის გენერალური დებატების მონაწილეებს ქართულ ენაზე მიმართავს.
კომენტარები