პარლამენტის ვიცე-სპიკერი ზვიად ძიძიგური თანაგუნდელის რომან კაკულიას განცხადებას ეხმაურება და აღნიშნავს, რომ კაკულიას თავისი ემოცია და შეხედულებები აქვს.
„ასეთი სახის ჩანაწერების მიმართ ერთგვარი იმუნიტეტი მაქვს გამომუშავებული. ჩემთვის, როგორც დეპუტატისთვის, მნიშვნელოვანია, პროკურატურა რა განცხადებას გააკეთებს. გავრცელებულ ჩანაწერებზე შორს მიმავალი დასკვნების კეთება ზედმეტია. კაკულიას თავისი ემოცია და შეხედულებები აქვს, ცხრა წლის განმავლობაში კი ჩანაწერების გამოქვეყნებისა და მასზე კომენტარების კეთების რეჟიმში ვცხოვრობდით.
დარწმუნებული ვარ, პროკურატურა აქტიურობს და როცა სათანადო მტკიცებულებები ექნება, განცხადებას გააკეთებს. მოვლენებს წინ არ უნდა გავუსწროთ. სასამართლოს უმაღლეს წერტილამდე აყვანას 200 წელი უნდა, როგორც ეს ამერიკასა და ევროპის ქვეყნებშია. დღევანდელი სასამართლო ცა და დედამიწასავით განსხვავდება იმისგან, რაც ჩავიბარეთ. სასამართლოს 99,9 გამამტყუნებელი იყო და პროკურატურის ბრალდებებს ემთხვეოდა. ეს ჩავიბარეთ და დღეს სასამართლო სისტემა გაცილებით წინ წასულია”, – განაცხადა ძიძიგურმა.