„ნაციონალური მოძრაობა“ მისივე წართმეული ქონების დაბრუნებაზე ედავება „ოცნებას“ პრეტენზიას უყენებს, რაღაც ინსინუაციებს იგონებს, დადგმული და მოგონილი სცენარებით ცდილობს საზოგადოება შეიყვანოს შეცდომაში“, – ამის შესახებ საპარლამენტო უმრავლესობის წევრმა დავით მათიკაშვილმა განაცხადა.
დეპუტატი „ნაციონალურ მოძრაობას“ მიმართავს და ამბობს, რომ ისინი საქართველოს რეალობაში ვეღარასოდეს დაბრუნდებიან.
“ყველაზე ცინიკური „ნაციონალური მოძრაობის“ მხრიდან, მაშინ როდესაც ისინი პრეტენზიას გამოთქვამენ სამართლიანობის აღდგენასთან მიმართებაში დაითხოვენ რომ ქონება დაუბრუნდეთ მათ მესაკუთრეებს და მფლობელებს, მე გვარებს სახელებს და კომპანიებს არ დავასახელებ, უბრალოდ რამდენიმე ფაქტს მოვიყვან, ის თუ რა ხდებოდა 2004-2012 წლებში და შესაბამისად განსჯა თქვენთვის მომინდია, მხოლოდ ქონება და ღირებულება, რა ღირებულებას შეადგენდა ეს ქონება და რისი დაბრუნება მოუწია შემდგომ სახელმწიფოს ბიზნესმენებისთვის.
აკურის ღვინის ქარხანა 10 მილიონი ლარი, სასტუმრო ინტურისტი – დაახლოებით მილიონ 300 ათასი ლარი, გორის საცურაო კომპლექსი დაახლოებით 800 ათასი ლარი, დაბა გუდაურში მიწის ნაკვეთი – დაახლოებით 2 მილიონ 800 ათასი ლარი, დიღმის- გლდანის მაგისტრალის მიმდებარე ტერიტორიაზე მიწის ნაკვეთი, დაახლოებით 10 ათასი ლარი და ა.შ. და ა.შ. აქ მხოლოდ ათი ასეთი შემთხვევა მაქვს მოცემული, მე შემიძლია დღეს დაუღალავად, მთელი დღის განმავლობაში ვისაუბრო იმ საშინელ ზეწოლაზე, იმ პირდაპირი გაგებით რეკეტზე და დაყაჩაღებაზე, რასაც ყოველდღიურად ადგილი ჰქონდა „ნაციონალური მოძრაობის“ მმართველობის პერიოდში, ეს იცის მთელმა მსოფლიომ, არა ერთი გადაწყვეტილებაა გამოტანილი სტრასბურგში, იცის თანამედროვე საზოგადოებამ, თუ რა პრეტენზიებს უყენებდა 2011-2012 წლებში საზოგადოება „ნაციონალურ მოძრაობას“, ახლა ამ ყველაფრის ფონზე, მაშინ როდესაც „ნაციონალური მოძრაობა“ მისივე წართმეული ქონების დაბრუნებაზე ედავება „ოცნებას“ პრეტენზიას უყენებს, რაღაც ინსინუაციებს იგონებს, დადგმული და მოგონილი სცენარებით ცდილობს საზოგადოება შეიყვანოს შეცდომაში, ჩვენ რა პასუხი უნდა გავცეთ ამას, პირველ რიგში საზოგადოებას უნდა ვუთხრათ და შევახსენოთ ის თუ ჩვენი ოპონენტები, ის ადამიანები, რომლებიც ასეთ პრეტენზიას გვიყენებენ საიდან მოდიან, რა არის მათ უკან და რაც ყველაზე მთავარია, რა არის მათი მიზანი, მიზანი ასეთი კამპანიის, იმ ბინძური კამპანიის, რომელზედაც პარლამენტის თავმჯდომარემაც ისაუბრა, ეს ბინძური კამპანია ეხება ყველა მიმართულებას და მათ შორის ის საკითხიც, რომელიც პორცია-პორცია საზოგადოებისთვის მიწოდებული რაღაც გაუგებარი ჩანაწერები, გაუგებარი გვარები, სახელები, რომელიც საბოლოო ჯამში თითქოსდა ქმნიან ისეთ ილუზიას და მოცემულობას, რომ ქვეყანაში არ მიდის ისე საქმე, არსებობს რაღაც ელიტური კორუფციის ნიშნები და ა.შ. კიდევ ერთხელ მინდა ვთქვა ელიტურიკორუფცია რას ნიშნავდა, კარგად გაიხსენეთ, ჩაიხედეთ საკუთარ გულებში, გაიხსენეთ საკუთარი წარსული და ზუსტად მიხვდებით რას ნიშნავს რეკეტი, მაშინ როდესაც უამრავი ბიზნესმენი დარეკეტებული იქნა თქვენს მიერ ხმასაც კი ვერ იღებდა, იმისთვის რომ რაიმე სახის პრეტენზია ეთქვათ, დღეს არის საუბარი ერთ კონკრეტულ ბიზნესზე, ჯერ კიდევ გაურკვეველ სიტუაციაზე, და იქ აშკარა ნიშნებზე იმისა, რომ ეს ყველაფერი არის ინსცენირებული და იმართება „ნაციონალური მოძრაობის“ მიერ. მე დარწმუნებული ვარ, გამოძიება ყველა კითხვას პასუხს გასცემს, ასევე დარწმუნებული ვარ ,რომ საზოგადოება ,ელექტორატი აღარასდროს მოტყუვდება, თქვენ „ნაციონალურ მოძრაობას მოგმართავთ“ და მის განშტოებას, რომ ვეღარასდროს დაბრუნდებით საქართველოს რეალობაში“,- განაცხადა დავით მათიკაშვილმა.