გიორგი კოპაძე – მე სალომე ზურაბიშვილში ღირსეულ ადამიანს ვხედავ

“ქართული ოცნება – დემოკრატიული საქართველოს“ ახალციხისა და ადიგენის გაერთიანებული ოლქის მაჟორიტარი დეპუტატი გიორგი კოპაძე, საპრეზიდენტო კამპანიის ფარგლებში, ბორჯომის მოსახლეობასთან შეხვედრაზე იმყოფებოდა.
„ჩვენ მხარს ვუჭერთ დამოუკიდებელ კანდიდატს სალომე ზურაბიშვილს. სრულიად ახალი სტანდარტი ყალიბდება და ახალი სიტუაციაა, როდესაც მმართველმა გუნდმა, რომელსაც აქვს საკონსტიტუციო უმრავლესობა, რომელსაც აქვს ყველა ის ძალაუფლება ხელში, გადაწყვიტა, რომ ახალი პოლიტიკური სტანდარტი დაწესდეს და მოვიდეს დამოუკიდებელი კანდიდატი საქართველოს პრეზიდენტად. რა თქმა უნდა, აირჩა საუკეთესო, 20-ზე მეტი კანდიდატია როგორც ვიცი, მაგრამ, პირადად ჩემთვის, რიგითი მოქალაქისთვის, მთავარია, ამ ადამიანებში იყოს ღირსება და მე ქალბატონ სალომე ზურაბიშვილში ღირსეულ ადამიანს ვხედავ“,- განაცხადა გიორგი კოპაძემ.