ეგვიპტეში, საქართველოდან ჩასული მოქალაქეების პრობლემის მოგვარების საკითხში საქართველოს საკონსულო ჩაერთო.
საკონსულოში დახმარების მიღების თხოვნით არც ერთი შეტყობინება არ შესულა, მათ შორის არც ცხელ ხაზზე. მიუხედავად ამისა, უწყების განმარტებით, კონსული ცდილობს მოიპოვოს საქართველოს მოქალაქეების კოორდინატები, დაუკავშირდეს მათ და დახმარება აღმოუჩინოს.
შეგახსენებთ, რომ ეგვიპტეში მყოფი ქართველი ტურისტები სამშობლოში დაბრუნებას ვერ ახერხებენ. მგზავრების ინფორმაციით, „კაიროს ავიახაზების“ თვითმფრინავი გვიან ღამით, 02:00 საათზე უნდა გამოფრენილიყო, თუმცა რეისი გაურკვეველი დროით გადაიდო.
მათივე თქმით, ამ დროისთვის სასტუმროებში არიან გადანაწილებული და ელოდებიან საქართველოში გამოფრენას.
კომენტარები