ნინო წილოსანი ზურაბიშვილის არჩევას, სტაბილურობის გარანტად მიიჩნევს

“ძალადობას და არეულობას უნდა ვარჩიოთ სტაბილური განვითარება. ჩვენ უნდა ავირჩიოთ სალომე ზურაბიშვილი”, – ამის შესახებ საპარლამენტო უმრავლესობის წევრმა ნინო წილოსანმა აბაშაში, წინასაარჩევნო კამპანიის ფარგლებში, მოსახელობასთან შეხვედრისას განაცხადა.
დეპუტატი მიიჩნევს, რომ სალომე ზურაბიშვილი, როგორც ზეპარტიული და ნეიტრალური კანდიდატი, ქვეყანაში სიმშვიდისა და პოლიტიკური წონასწორობის გარანტი იქნება.
“ზოგიერთი კანდიდატისა თუ პარტიული ძალის მცდელობა, რომ გამოიწვიოს ქვეყანაში დესტაბილიზაცია, დაპირიპირება, შანტაჟი და შიში, რასაც ათწლეულების განმავლობაში ვებრძოდით, გვტკიოდა უნდა დასრულდეს. ჩვენ უფლება არ გვაქვს უკან დავბრუნდეთ. ჩვენ მხოლოდ წინსვლაზე გვაქვს აქცენტი გაკეთებული. ამიტომ, ჩვენი არჩევანი ძალიან მარტივია, სიბნელეს უნდა ვარჩიოთ ნათელი სახე, ოკუპანტის ერთგულ მსახურს, როგორებიც ზოგიერთი ოპონენტები არიან, უნდა ვარჩიოთ ეროვნული ღირებულებებისა და გამოცდილების მქონე კანდიდატი, ისეთი, როგორიც სალომე ზურაბიშვილია. ძალადობას და არეულობას უნდა ვარჩიოთ სტაბილური განვითარება. ჩვენ უნდა ავირჩიოთ სალომე ზურაბიშვილი”,- აღნიშნა ნინო წილოსანმა სიტყვით გამოსვლისას.
2018 წლის საპრეზიდენტო არჩევნები 28 ოქტომბერს გაიმართება.