ქობულეთში არასრულწლოვნის ქორწინების ფაქტზე საქართველოს შინაგან საქმეთა სამინისტრომ გამოძიება დაიწყო.
შემთხვევა სოფელ ლეღვაში მოხდა. 15 წლის გოგონამ სრულწლოვან მამაკაცზე 14 სექტემბერს იქორწინა. სკოლის დირექტორი აცხადებს, რომ 15 წლის გოგონა ახალი სასწავლო წლის დაწყებიდან სკოლაში არ გამოცხადებულა. მისი თქმით, პირველ ოქტომბერს ის სხვა სკოლაში გადავიდა სასწავლებლად.
როგორც ქობულეთის რესურცენტრის ხელმძღვანელი მადონა გოგიტიძე აცხადებს, ინფორმაცია ჟურნალისტებისგან შეიტყო. მისი თქმით, მომხდარის შესახებ ინფორმაცია შესაბამის ორგანოებს რეაგირებისთვის გადასცა.
გამოძიება სისხლის სამართლის კოდექსის 140-ე მუხლით მიმდინარეობს, რაც გულისხმობს სექსუალური ხასიათის შეღწევას თექვსმეტი წლის ასაკს მიუღწევლის სხეულში და ისჯება თავისუფლების აღკვეთით ვადით შვიდიდან ცხრა წლამდე.