ბიძინა ივანიშვილი ადასტურებს, რომ პაატა ბურჭულაძესთან მის პოლიტიკაში ჩართვამდე ფულზე საუბარი ჰქონდა, თუმცა არა იმ ვერსიით, როგორც ამას თავად ბურჭულაძე ჰყვება.
„მართლაც შევთავაზე ბურჭულაძეს, როცა ახალი მოსულები ვიყავით, პოლიტიკაში ჩართვა, მაგრამ მან თქვა რომ სცენაზე სურდა დარჩენა. ამის შემდეგ მისივე ინიციატივით მეუღლესთან ერთად მესტუმრა და მაჩვენა, რომ გარკვეული პირობების შემთხვევაში თანახმა იქნებოდა ჩვენი თანაგუნდელი გამხდარიყო. მან 9 მილიონი დოლარი დაასახელა.
ბურჭულაძემ თქვა, რომ დანაკარგები ექნებოდა, სცენიდან რომ წამოსულიყო. შევთავაზე სცენაზეც დარჩი და პოლიტიკაშიც იყავიო. მერე გათვლები გავაკეთეთ…
მეორე დღეს მისი მეუღლე მირეკავს, ამოდის ჩემთან ჩემდა გასაოცრად, იღებს ჩანთიდან ფურცელს, მაწვდის ანგარიშს და მეუბნება – ორ მილიონს ხო დაგვპირდი, აი გადაიხადეო. საღამოს დავურეკე და ვუთხარი, რომ ასეთი სურვილი არ გამაჩნდა.
მე კიდევ მაქვს მტკიცებულებები, მაგრამ საზოგადოებას მინდა შევახსენო ის, რომ მისი მეუღლე ჩემთან ამობრუნდა, ბურჭულაძესაც აქვს ეს ერთ-ერთ ინტერვიუში ნათქვამი.
ბურჭულაძეს შევახსენებ რომ 2016 წლის არჩევნების დროს ვუთხარი, არ იცრუო-მეთქი“, – განაცხადა ივანიშვილმა ტელეკომპანიების „იმედის“, „პირველის“ და „რუსთავი“ 2″-ის წამყვანებთან ინტერვიუში.