“ნუ გადავაქცევთ ზედმეტ ემოციებად დარჩენილ დროს. ისედაც გაიმარჯვებს ქალბატონი სალომე და მაქსიმალური მობილიზება გამოიჩინონ მისმა მხარდამჭერებმა“, – ეს განცხადება “ქართული ოცნების” თავმჯდომარე ბიძინა ივანიშვილმა სპორტის სასახლეში, მედიასთან გააკეთა.
“კარგი რამ თქვა დღეს ირაკლი კობახიძემ და ეს არის ჩემთვის ყველაზე კარგი სიტყვები – სუსტი მამაკაცები ებრძვიან ძლიერ ქალბატონს. სუსტ მამაკაცებსაც შევუნდოთ და მოვუწოდოთ, რომ სიძულვილის ენა დაივიწყონ. ჩვენ პატარა ქვეყანა ვართ, ჩვენ ყველანი ერთად უნდა დავდგეთ, ყველას მხარი მივცეთ გავერთიანდეთ და მხოლოდ ამით მოვახერხებთ ჩვენი ქვეყნის გაერთიანებას და წინსვლას.
დიდი ალბათობით, ყველა სოციოლოგიური გამოკითხვით, ქალბატონი სალომე პირველსავე ტურში აიღებს საჭირო ხმებს. ყველაზე პესიმისტური გათველბითაც, მეორე ტურს იგებს ქალბატონი სალომე. ნუ გადავაქცევთ ზედმეტ ემოციებად დარჩენილ დროს. ისედაც გაიმარჯვებს ქალბატონი სალომე და მაქსიმალური მობილიზება გამოიჩინონ მისმა მხარდამჭერებმა”, – განაცხადა ბიძინა ივანიშვილმა.