პროკურატურა უკრაინულ ვებგვერდზე სავარაუდოდ მიხეილ სააკაშვილსა და ბიძამისს, თემურ ალასასნიას შორის გამართული სატელეფონო საუბრის ჩანაწერს შეისწავლის. ინფორმაციას 1tv.ge ავრცელებს.
“პროკურატურა შეისწავლის უკრაინულ ვებგვერდზე გამოქვეყნებული ჩანაწერის შინაარსს და მასში არსებულ შესაძლო დანაშაულის ნიშნებს”, – ამბობენ საქართველოს მთავარ პროკურატურაში და დასძენენ, რომ ამის შემდეგ გადაწყდება დაიწყება თუ არა გამოძიება.
დღეს, ვებგვერდზე, რომელსაც უკრანული დომენი აქვს, მიხეილ სააკაშვილის და ბიძამისის, თემურ ალასანიას სავარაუდო სატელეფონო ჩანაწერი გავრცელდა. ვებგვერდზე ნათქვამია, რომ „რედაქციას“ სანდო წყარომ მიაწოდა ოდესის ადმინისტრაციის ყოფილი ხელმძღვანელის, მიხეილ სააკაშვილის და ბიძამისის, „კაგებეს გადამდგარი გენერლის“ თემურ ალასანიას „სატელეფონო საუბრის“ ჩანაწერი.
ჩანაწერს მალევე, მიხეილ სააკაშვილი და თემურ ალასანია გამოეხმაურნენ.