ცენტრალური საარჩევნო კომისია, 28 ოქტომბერს, საქართველოს პრეზიდენტის არჩევნების დღეს, საინფორმაციო ბრიფინგების განრიგს აქვეყნებს.
„ცენტრალური საარჩევნო კომისია, ამომრჩევლების და ყველა დაინტერესებული მხარის დროულად ინფორმირების მიზნით, 28 ოქტომბერს, 08:30 საათიდან რამდენიმე საათში ერთხელ საინფორმაციო ბრიფინგებს გამართავს. 24 საათიან რეჟიმში იმუშავებს, როგორც კომისიის სატელეფონო/საინფორმაციო ცენტრი (2 51 00 51), ისე ონლაინ ჩათი. შესაბამისად, ყველა დაინტერესებულ პირს შეეძლება პასუხის მიღება არჩევნებთან დაკავშირებული სხვადასხვა საკითხის შესახებ“, – აცხადებენ ცესკოში.
მათივე ინფორმაციით, საინფორმაციო ბრიფინგების განრიგი ასეთია: 8:30 საათი; 10:30 საათი; 12:30 საათი; 15:30 საათი; 17:30 საათი; 20:30 საათი. ცესკოში ასევე აცხადებენ, რომ განრიგი საჭიროების შემთხვევაში შეიძლება შეიცვალოს.