შს მინისტრმა, გიორგი გახარიამ, საკუთარი არჩევანი რამდენიმე წუთის წინ დააფიქსირა. მინისტრი ხმის მისაცემად მთაწმინდის მეხუთე უბანში მარტო მივიდა.
„რაც შეეხება ჩემს არჩევანს, სიმბოლურია, რადგან ჩვენ აღვნიშნავთ დამოუკიდებლობის 100 წლისთავს და რა თქმა უნდა, ჩვენი მიზანია, რომ უფრო მეტი კავშირი ჰქონდეს ამ უდიდეს გამოცდილებას. ეროვნული მოძრაობიდან დაწყებული, იუნკერებიც ამბობდნენ და იდეალად იყო დასახელებული 1918-1921 წლების რესპუბლიკა და რა თქმა უნდა, ეს ისტორიული კავშირი დღეს რომ აღდგება და გაგვიხსნის გზას ეროვნული, დამოუკიდებელი, ერთიანი ქვეყნის მომავლისკენ, ეს არის დიდი მიღწევა და სიმბოლურად ჩემი არჩევანიც ამას გააკეთებს.
შინაგან საქმეთა სამინისტრო სრულ მზადყოფნაშია იმისთვის, რომ მთელი ქვეყნის მასშტაბით არჩევნები ჩატარდეს მშვიდ და წყნარ ვითარებაში. თითოეული პოლიციელი მზადაა, რომ მოქალაქეებმა არჩევანი გააკეთონ უსაფრთხო და მშვიდ გარემოში… ამ მიზნის მისაღწევად საპოლიციო ძალები გადაადგილდება იმ საჭიროებით, რა საჭიროებითაც ჩვენ ჩავთვლით აუცილებლად“, – განაცხადა შს მინისტრმა გიორგი გახარიამ.