გაერთიანებული ოპოზიციის საპრეზიდენტო კანდიდატი გრიგოლ ვაშაძე სტუდენტებთან შეხვედრისას წმინდა კვირიკეს ხატს სარკაზმულად მოიხსენიებს. გრიგოლ ვაშაძე მოსახლეობის რწმენას კვირიკეს ხატთან დაკავშირებით აბუჩად იგდებს და სვანეთში არსებულ წმინდა სალოცავს დასცინის. აღნიშნულის შესახებ გრიგოლ ვაშაძემ საქართველოს უნივერსიტეტის სტუდენტებთან შეხვედრისას ისაუბრა, რომელიც 2017 წლის 9 მარტს გაიმართა. შეხვედრის ვიდეოჩანაწერი სოციალურ ქსელში გავრცელდა.
ცნობისათვის, სვანეთში, მესტიის მუნიციპალიტეტში, სოფელ კალაში 28 ივლისს წმიდა კვირიკესა და ივლიტას წამების დღეს, უხსოვარი დროიდან აღინიშნება რელიგიური დღესასწაული “კვირიკობა”, რომელსაც სვანეთში ლაგურკას ეძახიან. ამ დღეს სვანები ეკლესიას საგანგებოდ ამ დღისთვის გაზრდილ თეთრ ცხვარს სწირავენ.
კვირიკესა და ივლიტას მიმართ ლოცულობენ ოჯახური ბედნიერებისა და სნეულ ყრმათა მსწრაფლ განკურნებისათვის.
წმიდა კვირიკეს ხელის მტევანი საქართველოში ინახება.