მთავრობის ადმინისტრაციის უფროსის, კახა კახიშვილის განცხადებით, რომელიც მანამდე პენიტენციურ სისტემას წლების განმავლობაში ხელმძვანელობდა, დიდი დრო დასჭირდა ხელისუფლებას იმისათვის, რომ ციხეებში ნაციონალური ხელისუფლებისდროინდელი ვითარება გამოესწორებინა. ამის შესახებ მან გადაცემაში „იმედი Live“ განაცხადა.
გადაცემაში ადამიანის უფლებების დაცვის მიმართულებით არსებული ერთგვარი შედარებითი სტატისტიკა წარმოადგინეს. როგორც ირკვევა, 2012 წელს საქართველოს 22 299 პატიმარი ჰყავდა. 2018-ში – 9000 პატიმარია; 2010 წელს 144 პატიმარი გარდაიცვალა, 2017-ში – 15; 2008-2011 წლებში 112 გამამართლებელი განაჩენი დადგა, 2014-2017 წლებში – 808; 2010 წელს 8 პირი გამართლდა, 2017 წელს – 235.
სასჯელაღსრულების ყოფილი მინისტრი აცხადებს, რომ ნაციონალური მოძრაობა რევოლუციისთვის ემზადება.
„ყველაფერი კეთდება ნაბიჯ-ნაბიჯ იმისთვის, რომ ჩვენ მივიღოთ ქვეყანაში რევოლუცია“, – ამბობს კახიშვილი.