საქართველოს სტატისტიკის ეროვნული ბიუროს (საქსტატი) ინფორმაციით, 2018 წლის IV კვარტალში წარმოებულია 87.0 მლნ. ლიტრი რძე, რაც წინა წლის ანალოგიურ მაჩვენებელს 4.6 პროცენტით აღემატება.
2018 წლის რძის წარმოების წლიური მაჩვენებელი 532.0 მლნ. ლიტრით განისაზღვრა, რაც 0.7 პროცენტით აღემატება 2017 წლის შესაბამის მაჩვენებელს.
2018 წლის IV კვარტალში წარმოებულია 22.9 ათასი ტონა ხორცი, რაც 2017 წლის შესაბამისი პერიოდის მაჩვენებელს 9.6 პროცენტით აღემატება.
2018 წელს ხორცის წლიური წარმოების მოცულობა 67.0 ათასი ტონით განისაზღვრა,რაც წინა წლის მაჩვენებელს 1.2 პროცენტით აღემატება.
2018 წლის IV კვარტალში წარმოებულია 146.7 მილიონი ცალი კვერცხი, რაც წინა წლის ანალოგიურ მაჩვენებელს 2.9 პროცენტით ჩამორჩება. 2018 წელს კვერცხის წარმოების მოცულობა, წინა წელთან შედარებით 2,1 პროცენტით გაიზარდა და 612.6 მილიონი ერთეული შეადგინა.