პაციენტი იყო უგონოდ, აღენიშნებოდა ერთეული სუნთქვა, რომელიც 20-30 წამის შემდეგ შეწყდა. მონიტორზე ფიქსირდებოდა გულის გაჩერება, – ამის შესახებ თბილისის სასწრაფო სამედიცინო დახმარების ცენტრი ფეისბუქის საკუთარ გვერდზე წერს.
“თბილისის ერთ-ერთ უბანში გამოძახებაზე მისულ 0828 ბრიგადას – უფროსი ექიმი ხათუნა კარტოზია, უმცროსი ექიმი ლია თავდიშვილი, მძღოლი ზურაბ წკრიალაშვილი, შუა ხნის მამაკაცი საკმაოდ მძიმე მდგომარეობაში დახვდა. პაციენტი იყო უგონოდ, აღენიშნებოდა ერთეული სუნთქვა, რომელიც 20-30 წამის შემდეგ შეწყდა. მონიტორზე ფიქსირდებოდა გულის გაჩერება. ექიმებმა ადგილზე განახორციელეს პროტოკოლით გათვალისწინებული წარმატებული რეანიმაციული ღონისძიებები, რის შედეგადაც აღდგა გულის მუშაობა დაუკვე სტაბილურ მდგომარეობაში მყოფი მამაკაცი თბილისის ერთ-ერთ კლინიკაში იქნა გადაყვანილი.
ბრიგადის უფროსი ექიმის, ხათუნა კარტოზიას ინფორმაციით, ამჟამად პაციენტი თავს კარგად გრძნობს, ხოლო მისი ოჯახი უდიდეს მადლობას უხდის თბილისის სასწრაფო სამედიცინო ცენტრის 0828 ბრიგადას გულისხმიერებისა და გამოჩენილი პროფესიონალიზმისთვის.
თბილისის სასწრაფო სამედიცინო დახმარების ცენტრი პაციენტს სწრაფ გამოჯანმრთელებას უსურვებს”. – ნათქვამია ინფორმაციაში.