23 აპრილს, მსოფლიო წიგნისა და საავტორო უფლებების დაცვის საერთაშორისო დღესთან დაკავშირებით, „ქართული ოცნება – ძლიერი საქართველოსთვის“ ფრაქციის წევრმა, ავჭალა-გლდანის მაჟორიტარმა დეპუტატმა კობა კობალაძემ, სოფელი გლდანის 209-ე საჯარო სკოლის მე-10 კლასის მოსწავლეებს უმასპინძლა და საჩუქრად წიგნები გადასცა.
„საოცარი თაობა მოდის, დიდი ინტერესი აქვთ მეცნიერების, ტექნოლოგიების მიმართ. დღეს შევხვდი 209-ე საჯარო სკოლის მოსწავლეებს, საინტერესო კითხვები აქვთ ქვეყანაში მიმდინარე პოლიტიკურ პროცესებთან დაკავშირებით. შეხვედრაზე შევთანხმდით, რომ მომავალშიც აქტიურ რეჟიმში გავაგრძელებთ თანამშრომლობას, როგორც ბიუროში, ასევე ვუმასპინძლებთ საქართველოს პარლამენტშიც,“ – განაცხადა დეპუტატმა კობა კობალაძემ.
კომენტარები